畢業禮資訊

我終於收到學校o既信喇~! 畢業禮日期係12月5日.
11月中有得借袍~ 我地要搵日一齊影相呀!!!

*halloween玩咩好呢?* 聽講ocean park哈囉喂o既位已經爆晒喇~
咁我地可以搞mud鬼呢? 同埋邊日出去呢?

我諗到的options:
1. 淺水灣BBQ
2. 食萬聖節大餐
3. 求其dinner+籣桂坊落pub

p.s. 1&2都可以加下場去籣桂坊或其他旺區遊街

大家有咩意見呢? 發表下呀!

日期方面我都未firm得, 遲兩日再傾~ *u*

by didi

一嘗做sales滋味

上個星期我見a. testoni 請shop assistant，於是apply了。第2日就叫我in，真係好等人用。

返了幾日工，仲頂得順=\ 最辛苦係要企成日。返左工就發現到自己真係好遲鈍>_< 信心大失! 由於呢份工冇一樣野值得我留戀，所以我決定左最多做一個月，希望在這個之前就搵到份好工啦!!

to klose: 德國咁凍就要小心身體啦。唔好為左吸引德仔就著小背心+短裙仔呀=)

俾大家睇下個店的外貌 (我唔係做呢間分店的)，下次影埋我個制服誘惑俾大家睇^0^

by 依蝶糖

食

上星期同同事去咗食"羽",
佢ge午餐都真係超級抵食呢~~~
四十幾蚊有大大碗拉麵/飯+4件壽司+前菜(腌牛脷)+麵鼓湯/蟹子沙律+甜品

基本上拉麵同壽司ge質素係一般啦~
唔算係超好食,不過都ok唔錯咁la

但係呢.......個甜品就真係呢..............兩個字:超讚!!!!
圖中由前至後,由左至右排列ge分別係綠茶味,紅豆味同芝麻味雪糕~

其實.....每個餐都只係跟一杯雪糕,不過因為有同事早走,所以就有機會3種味都食晒咧~
真係呢....超級好食!!!!

首推綠茶味ge,超香ge綠茶香味,食落去唔太甜,真係好似飲緊綠茶咁~
再推芝麻味,係勁重芝麻ge味道,好似食緊凍芝麻糊咁,我本身唔中意食芝麻,所以對呢個麻麻la,不過如果中意食芝麻ge人,就一定會覺得呢個係極品囉~~~
三推紅豆la,有大大粒紅豆係裡面ga!!!好好咬~~~不過就甜咗少少,如果成杯食晒就會覺得好膩lor.......

不如下次G4 meeting我地去"羽"食la~~~~

by 米

男人之虎

尋日去咗睇詹瑞文ge男人之虎,
玩埋晒d爛gag,
但係又真係好抵死wor........

俾個勁爆無聊ge野大家估下,
劇中詹瑞文扮長毛,然後鬧台下d觀眾:"宜家　d男人　日日　都係　用　筷子　嚟食　蛋糕"
究竟大家知唔知佢想講咩呢?

by 米

劉浩龍+謝安琪

劉浩龍+謝安琪o既新歌 --- 滄海遺珠(合唱版) 勁好聽呀~
作曲：謝國維 填詞：黃偉文 編曲：謝國維 監製：伍樂城
mp3: http://www.mytempdir.com/932042
lyrics: http://lucksforum.com/viewthread.php?tid=25481&extra=page%3D1&sid=sFUDFG

by didi

各位中秋節快樂 ^0^

大家好! 中秋節快樂!!
昨晚的聚會進行得很順利，mercury cafe的食物蠻不錯，環境很好。除了有一大陣煙味......因為依蝶好耐冇見大家，所以說個不停~哈哈哈~~
之後去了shopping (for nat & 依蝶) and buying (for ada & heidi)，見ada & heidi有收獲，好羨慕! 哈~
最後希望下次聚會會更精彩!

table reserved

我book左檯喇!
　Mercury cafe (尖沙咀加連威老道37號1樓)
　　星期四晚 7.00pm

尋人

尋中國籍女子一名,
特徵:大笑,狂笑以及喪笑

XD